QHR rejısseri Chjan Imoýǵa 7 balasy úshin aıyppul salmaq
ASTANA. 10 mamyr. QazAqparat - Qytaı ókimet oryndary eń tanymal qytaı rejısserleriniń biri, jeti balanyń ákesi Chjan Imoýǵa qatysty bala týýylýyn shekteý saıasatyn buzǵany úshin tekserý jumystaryn bastady, dep habarlady Qytaı Kompartııasynyń "Jenmın Jıbao" gazeti.
Oǵan eń joǵary 26.05 mln. dollar kóleminde aıyppul salynýy múmkin, bul Chjannyń jyldyq kirisinen eki ese asyp túsedi.
Jergilikti BAQ-tyń málimetine qaraǵanda, rejısserdiń jeti balasy eki nekeden jáne eki nekeden tys baılanystan týǵan.
61 jastaǵy Chjan Imoý kóptegen tanymal kınolentalardyń avtory, sonymen qatar ol 2008 jylǵy Beıjińde ótken Olımpıada ashylýy saltanatynyń qoıýshysy bolǵan.
Onyń sońǵy jumystarynyń biri - Qytaıdyń burynǵy astanasy Nankındi japondyqtardyń jaýlap alýyn baıandaıtyn "Soǵys gúlderi" dramasyna gollıvýdtyq akter Krıstıan Beıl túsken.
