QHR parlamenti el úkimetiniń jańa quramyn bekitti

BEIJІŃ. QazAqparat – 14-shi shaqyrylǵan Búkilqytaılyq halyq ókilderi jınalysy (JSNP) birinshi sessııasynyń delegattary QHR Memlekettik keńesiniń jańa quramyn bekitti, dep habarlaıdy QazAqparat tilshisi «Sınhýa» agenttigine silteme jasap.

Memlekettik keńestiń jańartylǵan kadrlyq quramyn úkimettiń jańa basshysy Lı Tsıan tanystyrdy.

Memlekettik keńestiń vıtse-premerleri Dın Sıýesıan, He Lıfen, Chjan Gotsın jáne Lıý Gochjýn boldy.

Qorǵanys mınıstri Lı Shanfý, Qoǵamdyq qaýipsizdik mınıstri Van Sıaohýn, Memlekettik keńes hatshysy Ý Chjenlýn, Shen Itsın jáne Syrtqy ister mınıstri Tsın Gan Qytaı Halyq Respýblıkasynyń Memlekettik keńesine múshe boldy.

I Gan Qytaı Halyq bankiniń (Ortalyq bank) basshysy laýazymyn saqtap qaldy.

Qarjy mınıstriniń portfeli Lıý Kýnda qaldy.

Damý jáne reformalar jónindegi memlekettik komıtettiń tóraǵasy Chjen Shantsze boldy.

Jańa qorǵanys mınıstri Lı Shanfý taǵaıyndalýymen qatar, jańartylǵan Memlekettik keńestiń kúshtik blogi ózgerissiz qaldy: Qoǵamdyq qaýipsizdik mınıstri Van Sıaohýn men Memlekettik qaýipsizdik mınıstri Chen Isın burynǵy qyzmetterine qaıta taǵaıyndaldy. Azamattyq basqarý mınıstri laýazymy Tan Dentszede qaldy.

14-shi shaqyrylymdaǵy JSNP besinshi plenarlyq otyrysy barysynda QHR Memlekettik Keńesiniń vedomstvolary (mınıstrlik deńgeıdegi) basshylarynyń kandıdatýralary da bekitildi:

Hýaı Tszınpen — bilim mınıstri

Van Chjıgan — ǵylym jáne tehnologııa mınıstri

Tszın Chjýanlýn — ındýstrııa jáne aqparattandyrý mınıstri

Pan ıÝe — ulttyq ister jónindegi memlekettik komıtettiń tóraǵasy

He Jýn — ádilet mınıstri

Van Sıaopın — eńbek resýrstary jáne áleýmettik qamsyzdandyrý mınıstri

Van Gýanhýa — tabıǵı resýrstar mınıstri

Hýan Jýntsıý — ekologııa jáne qorshaǵan orta mınıstri

Nı Hýn — turǵyn úı, qala jáne aýyldyq qurylys mınıstri

Lı Sıaopen — kólik mınıstri

Lı Goın — sý sharýashylyǵy mınıstri

Tan Jentszıan — aýyl sharýashylyǵy jáne aýyldyq ister mınıstri

Van Ventao — saýda mınıstri

Hý Hepın — mádenıet jáne týrızm mınıstri

Ma Sıaoveı — densaýlyq saqtaý isteri jónindegi memlekettik komıtettiń tóraǵasy

Peı Tszıntszıa — ardagerler isteri jónindegi mınıstr

Van Sıansı — tótenshe jaǵdaılardy basqarý mınıstri

Hoý Kaı — memlekettik baqylaý-tekserý basqarmasynyń bas revızory.

Eske salsaq, Búkilqytaılyq halyq ókilderi jıynynyń (JHÓJ, parlament) depýtattary Sı Tszınpındi úshinshi bes jyl merzimge QHR tóraǵasy qyzmetine saılady.