QHR Ortalyq áskerı keńesi basshysynyń burynǵy orynbasary Qytaı Kompartııasy qatarynan shyǵaryldy
BEIJІŃ. QazAqparat - QHR Ortalyq áskerı keńesi tóraǵasynyń burynǵy orynbasary Sıýı Tsaıhoý Qytaı Kompartııasy (QKP) qatarynan shyǵaryldy, onyń isi áskerı prokýratýraǵa berildi. Dúısenbi kúni Beıjińde QPK Bas hatshysy jáne QHR Ortalyq áskerı keńesiniń tóraǵasy Sı Tszınpınniń tóraǵalyǵymen ótken Saıası Bıýro otyrysynda osyndaı sheshim qabyldandy.
QKP Ortalyq Komıtetiniń habarlamasynda Sıýı Tsaıhoýǵa qatysty isti tergeý barysynda joǵary shendi áskerı tulǵanyń «qyzmet babyn asyra paıdalanǵany, para berýshilerge qyzmet babymen kóterilýine kómek kórsetkeni úshin para alǵany jáne úshinshi tulǵalardyń múddesi úshin áreket etkeni» aıtylǵan.
Gonkong BAQ-tary Sıýı Tsaıhoýdyń tusynda Qytaı halyq-azattyq armııasynda shendi «satyp alý» jáne paraǵa qyzmet babymen joǵarylaý óristegenin jazady.
Sıýı Tsaıhoý 15 naýryzdan beri tergelý ústinde. Sonymen birge, onyń otbasy da paraqorlyqqa kúdiktelýde. Sıýı Tsaıhoýdyń isi Qytaı halyq-azattyq armııasy tarıhyndaǵy eń shýly oqıǵa, eger onyń kinási dáleldenetin bolsa, ol trıbýnalǵa beriletin eń joǵary shendi qytaılyq áskerı tulǵa bolmaq.
Ortalyq áskerı keńes quramyna ol 1999 jyly kirdi, al 2004-2012 jyldardyń arasynda qarýly kúshterge basshylyq jónindegi osy joǵarǵy organ tóraǵasynyń orynbasary qyzmetinde boldy.
