QHR Memlekettik keńesiniń premeri Ven Tszıabao halyq tarapynan bılikke aıtylyp jatqan syndarmen kelisedi
BEIJІŃ. 26 qańtar. QazAqparat /Rýslan Súleımenov/ - Qytaı Halyq Respýblıkasynyń 1949 jyldan bergi tarıhynda alǵash ret Memlekettik keńestiń premeri Ven Tszıabao jergilikti sheneýnikterden Ortalyq úkimet tarapynan qorǵanysh izdep, Beıjińniń aımaqtarynan kelgen turǵyndarmen kezdesý ótkizdi.
Memlekettik keńestiń premeri Ven Tszıabao kelýshiler men hattar qabyldaıtyn Beıjińniń Memlekettik bıýrosyna arnaıy kelip, turǵyndarmen júzdesip, olardyń problemalary men ótinishterin, sonymen qatar úkimettiń jumysyna qatysty usynystaryn tyńdady.
Kelýshilermen kezdesý barysynda Qytaı premeri atap ótkendeı, qarapaıym halyq úkimetke óziniń usynystary men ótinish-tilekterin jetkize alýy úshin arnaıy arnalar ashý qajet, osy arqyly úkimet jumysyna halyqtan keletin syn men baqylaýdy júzege asyrýǵa múmkindik týmaq.
«Bizdiń úkimet halyqtyq, bizdiń bılik halyqtan alynǵan. Biz óz ókilettigimizdi paıdalana otyra, halyqtyń ıgiligi úshin jumys jasap, halyqtyń problemalary men qıyndyqtaryn sheshýge tyrysýymyz kerek», - dep atap ótti Ven Tszıabao.
