QHR Memlekettik keńesi qýańshylyqpen kúresýge bir mıllard AQSh dollarynan astam qarajat bóledi
BEIJІŃ 10 aqpan. QazAqparat /Rýslan Súleımenov/ - Qytaı Úkimeti sońǵy 60 jylda bolǵan eń qıyn qýańshylyqtyń saldarymen kúresý úshin bir mıllıard AQSh dollarynan astam qarajat jumsaıdy.
Astyq óndirýshi negizgi segiz provıntsııaǵa qýańshylyq zardaby tıgen. Olardyń barlyǵy birigip Qytaıda kúzdik bıdaıdyń 80 paıyzyn óndirgen. Resmı statıstıka súıensek, 2,75 mln.-ǵa jýyq adam men 2,79 mln. mal basy sýdan tapshylyq kórip otyr.
Ótken sársenbi kúni jarııalanǵan Qytaı aýyl sharýashylyǵy mınıstrliginiń habarlamasynda aıtylǵandaı, jalpy alǵanda eldiń segiz provıntsııasynda qurǵaqshylyq saldarynan qystyq astyq salynatyn 7,8 mln. gektar jer zardap shekken.
Sońǵy birneshe aıda Qytaıda astyq baǵasy kúrt qymbattap ketti. 2011 jyldyń qańtar aıynda eldegi un baǵasy 8 paıyzdan astam baǵaǵa qymbattady.
Ótken aptada QHR tóraǵasy Hý Tszıntao men el premeri Ven Tszıabao zardap shekken aýdandarǵa sapar jasap, qurǵaqshylyqpen kúresýde jan-jaqty kúsh salýǵa shaqyrdy.
