QHR Memkeńesiniń vıtse-premeri Qazaqstan men Túrikmenstanǵa saparlaıdy

QHR Memlekettik keńesiniń vıtse-premeri Dın Sıýesıan Qazaqstan men Qytaı arasyndaǵy yntymaqtastyq komıtetiniń 11-shi otyrysyna qatysý úshin Qazaqstanǵa saparlaıdy. Bul týraly búgin brıfıng kezinde QHR Syrtqy ister mınıstrliginiń resmı ókili Mao Nın málim etti. Kazinform menshikti tilshisi bul týraly QR SІM baspasóz qyzmetine silteme jasap habarlaıdy.

Onyń aıtýynsha, QKP Saıası bıýrosy Turaqty komıtetiniń múshesi, QHR Memlekettik keńesiniń vıtse-premeri Dın Sıýesıan 26-30 qarasha kúnderi Qazaqstan men Qytaı arasyndaǵy yntymaqtastyq komıtetiniń 11-shi otyrysyna, sondaı-aq Túrikmenstan-Qytaı yntymaqtastyǵy jónindegi komıtettiń 6-shy otyrysyna qatysý úshin Qazaqstan men Túrikmenstanǵa barady.

Qazaqstan-Qytaı yntymaqtastyq komıteti 2004 jyly qurylǵan. Onyń otyrystary eki el úkimet basshylary orynbasarlarynyń tóraǵalyq etýimen ótedi. Komıtettiń 10-shy otyrysy 2021 jyldyń qarasha aıynda beınekonferentsııa rejıminde ótti.