QHR Memkeńesiniń sarapshysy: Qazaqstan - sarabdal ekonomıkalyq saıasat ustanatyn bedeldi azııalyq memleket
BEIJІŃ. QazAqparat - Qazaqstan - sarabdal ekonomıkalyq saıasat júrgizetin bedeldi azııalyq memleket. Bul týraly qazaqstandyq jýrnalısterge bergen suhbatynda QHR Memkeńesiniń damýdy zertteý ortalyǵy janyndaǵy Eýropa men Azııanyń áleýmettik damý ınstıtýty bas hatshysynyń orynbasary ıAn Sıanhýn (Yang Xianghong) málim etti.
«Bul Qazaqstan ekonomıkasynyń damýynyń obektıvti baǵasy dep esepteımin. Eldiń Azııadaǵy bedeli artyp keledi, onda tabıǵı resýrstardyń qory mol, Qazaqstan Azııa aımaǵyndaǵy mańyzdy energetıkalyq baza. Sońǵy jyldary QR ekonomıkalyq qurylymdarynyń reformalary kóptegen jetistikterge jetti, basqarý jáne menedjment sapasy artyp keledi», - dedi ol Dúnıejúzilik ekonomıkalyq forýmnyń 2015-2016 jyldarǵa qurylǵan jahandyq básekelestik reıtınginde Qazaqstannyń 42-shi oryn alýyna qatysty málimdeme jasaı otyryp.
Sarapshy jahandyq qarjy-ekonomıkalyq jaǵdaıdyń nasharlaýyna baılanysty Qazaqstan qıyndyqtarǵa tap bolǵanyn atap ótti. «N.Nazarbaevtyń «Nurly jol» jáne qytaılyq «Jibek jolynyń ekonomıkalyq beldeýi» bastamasyn júzege asyrý arqyly bul qıyndyqtardan ótýge bolady degen senimdemin. Memleketterimizdiń basshylarynyń talaptary arqasynda bul qıyndyqtardan ótip, saýda-ekonomıkalyq jáne ózge salalardaǵy qatynas nyǵaıatynyna senemin», - dep atap ótti ıAn Sıanhýn.
Onyń sózine qaraǵanda, Qazaqstannyń Dúnıejúzilik saýda uıymyna enýi, sonymen qatar salystyryla tekserilgen ekonomıkalyq josparlaýy qazaqstandyq ekonomıkanyń ári qaraı ósýine járdemdesedi. «N.Nazarbaevtyń memlekettiń ekonomıkalyq damýyna qatysty strategııalyq kóregendigi eldi Azııanyń ońtústik-shyǵysyndaǵy jáne ózge de elderden erekshelep turady. Qazaqstan - ekonomıkalyq saıasaty sarabdal bedeldi azııalyq memleket», - dep túıindedi sarapshy.
