QHR Kommýnıstik partııasy aımaqtyq bóliminiń janynda jarylys boldy
ASTANA. 6 qarasha. QazAqparat - Shansı provıntsııasynyń astanasy Taııýan qalasynda Qytaı Kommýnıstik partııasy aımaqtyq bólimi ǵımaratynyń janynda birneshe jarylys boldy, dep habarlady RBK.
Oqıǵa jergilikti ýaqyt boıynsha shamamen tańǵy 7:40-ta oryn alǵan. Buǵan kýá bolǵandar 7 ret jarylys dybysy estilgenin aıtýda, dep habarlady South China Morning Post.
Shansı provıntsııasy ákimshiliginiń saıtynda jarylystar shaǵyn qurylǵynyń kómegimen jasalǵan dep jazady. Onyń caldarynan 1 adam jaraqattanyp, 2 kólik jaryldy.
Bılik ókilderi oqıǵa ornyna jýyq mańda ornalasqan kóshelerdi qorshaýǵa alýdy tapsyrdy.
Eske sala keteıik, 29 qazan kúni Beıjińde Tıananmen aýmaǵynda lańkestik jasaldy. 3 adam otyrǵan kólik bir top adamǵa soǵylyp, sol jerde jaryldy. Onyń saldarynan 2 adam opat boldy, 40-qa jýyq adam zardap shekti. Kóliktegi er adam, onyń anasy men áıeli qaza boldy. Mashınanyń nómirlik belgisi Shyńjań uıǵyr avtonomdyq aýdanyna tıesili bolǵan. Qytaı bul oqys oqıǵany uıǵyr separatısterinen kórip otyr.
