QHR qashyp ketken qytaı azamattary kapıtalynyń 80%-yn ózge eldermen bólisýge ázir
BEIJІŃ. QazAqparat - Shetelge qashyp, sonda ustalǵan azamattar men kapıtaldy qaıtarý úshin, Qytaı úkimeti qashqyndardyń 80% múlkimen bólisýge ázir. Bul týraly «Beıjiń jańalyqtary» gazeti Beıjiń ýnıversıtetiniń halyqaralyq qylmystyq quqyq ınstıtýtynyń basshysyna silteme jasap habarlady.
«Qytaı syrtqa zańsyz shyǵarylǵan qarajatty qaıtarý men qashqyndardy ustaýdyń halyqaralyq tájirıbesin paıdalanbaq. Máselen, AQSh kómek kórsetý úshin mundaı qarajattyń 80%-5a deıingi úlesin surady. Ótken jyly QHR Kanadamen tıisti kelisimge qol qoıdy», - dedi ol atalǵan basylymǵa bergen suhbatynda.
Qytaılyq sarapshynyń sózine qaraǵanda, Beıjiń shamamen 40 memleketpen ekstradıtsııa týraly kelisimge qol qoıdy. Oǵan Batys elderi kirmeıdi. Interpoldyń izdeý paraqshalarynda 160 qytaı azamaty, sonyń ishinde Hebeı provıntsııasynyń burynǵy basshysy Chen Veıgaonyń uly Chen Mýıan bar. 2006 jyly Qytaı bankiniń Kaıpın qalasyndaǵy bóliminiń burynǵy basshysy ıÝı Chjendýn AQSh-tan qaıtarylǵan soń 12 jylǵa sottalǵan. Ony ekstradıtsııalaý úshin qytaı bıligi jazbasha túrde ony ólim jazasyna kespeýge, al áıeliniń ústinen qylmystyq is qozǵamaýǵa ýáde bergen.
