QHR Halyq banki: ıÝan baǵamy qalypty deńgeıge qaıta oralýda
ASTANA. QazAqparat - ıÝan baǵamy qalypty deńgeıge túse bastady. Bul týraly Qytaı halyq bankiniń basshysy Chjoý Sıaochýan málimdedi, dep habarlady TASS.
«Qazir baǵam qalypty, bazalyq deńgeıge qaıta oralýda. Eger qandaı da bir kútpegen jaǵdaı týyndasa da, osy úrdis saqtalady dep oılaımyn», - dedi ol. - Jedeldetip dollardy satyp alý qajettiligi joq, - dep atap ótti Chjoý Sıaochýan.
Qytaı valıýtasy qytaılyq Ortalyq banki naryqtyq tetikter rólin arttyrý arqyly aıyrbas baǵamyn reformalaýdy bastaıtyny jaıly habarlaǵannan keıin ótken jylǵy 11 tamyzdan keıin álsireı bastaǵan. Osydan keıin ıýan úsh kún ishinde dollaryna 6,40-qa deıin - 4,6 paıyzǵa qunsyzdanǵan. Budan keıin qarashada qytaı valıýtasy nyǵaıyp, 2 qarashada úshjyldyq maksımým - 1 dollarǵa 6, 3154-ke jetti, alaıda baǵam qaıta túse bastady: osy jylǵy 7 qańtarda baǵam alǵash ret 2011 jylǵy naýryzdan bastap, dollaryna 6,5646 belgisine deıin tómendedi.
