QHR Gansý provıntsııasynyń Aqsaı-Qazaq avtonomııalyq ýezinde toǵyzqumalaq úıirmesi ashyldy (FOTO)
BEIJІŃ-AQSAI. QAZAQPARAT - Qytaıdaǵy Gansý provıntsııasynyń Aqsaı-Qazaq avtonomııalyq ýezinde toǵyzqumalaq úıirmesi ashyldy. Bul týraly atalǵan óńirdiń «Armantaý» mádenı seriktestiginiń jetekshisi Marqaba Málikuly QazAqparattyń Qytaıdaǵy tilshisine bergen suhbatynda habarlady.
«16 maýsymda Aqsaı-Qazaq avtonomııalyq aýdanynda «Armantaý» (www.armantaw.com) mádenı seriktestigi men aýdandyq mádenıet jáne dene tárbıesi ortalyǵy birlesip qazaqtyń ulttyq zııatkerlik oıynyn úırete bastady. Balalardy toǵyzqumalaqqa baýlý Qytaıda keń taralǵan WeChat áleýmettik jelisinde de nasıhattalyp, júrgizilip jatyr», - dedi ol.
Marqaba Málikulynyń aıtýynsha, Aqsaı-qazaq avtonomııalyq aýdanynyń balalary Shyńjańda toǵyzqumalaqtan ótkizilgen jarystarda aldyńǵy oryndarda kórinip júr. Keleshekte basqa da ulttyq oıyndar (asyq atý, han doıbysy, darııa t.b.) úıirmelerin ashýdy josparlap otyr.
Aıta keteıik, resmı derek boıynsha QHR Gansý provıntsııasynyń Aqsaı-qazaq avtonomııalyq ýezinde úsh myńdaı, al Shyńjań-Uıǵyr avtonomııalyq aýdanynda - bir mıllıonnan astam qazaq turady.
Sadyq Ákijanov
