QHR-ǵa 65 jyl toldy
BEIJІŃ. QazAqparat - Búgin Qytaı Halyq Respýblıkasy qurylǵanyna 65 jyl tolýyn atap ótedi. Mereke «altyp apta» degen atpen 8 qazanǵa deıin toılanady, dep habarlady «QazAqparat» tilshisi.
Qazirgi ýaqytta Beıjiń kóshelerine 150 túrli gúlden jasalǵan 22 mln gúl kósheti otyrǵyzylǵan sebetter qoıylǵan. Tıananmen alańynda «Otanǵa tilek» sózimen gúlmen kómkerilgen sebet formasynda bıiktigi 15 m, dıametri 50 m klýmba ornatyldy Bul sebet 10 baldyq jelge tótep bere alady. Bıyl Qytaı tarıhynda birinshi ret saltanatty paradta áıelderden jasaqtalǵan qurmetti qaraýyl rotasy qatysady. Rotada 65 sarbaz bar. «Altyn apta» kezinde búkil Qytaı boıynsha, 9 mln. adam temirjol qyzmetine júginedi. Sonyń ishinde eń kóp adam qatynaıtyn kún búgin bolmaq. Eske sala keteıik, 1949 jyly 1 qazanda Mao Tszedýn Tıananmen minberinen Qytaı Halyq Respýblıkasynyń qurylǵanyn málimdegen bolatyn. Qazaqstan Respýblıkasy men Qytaı Halyq Respýblıkasy arasyndaǵy dıplomatııalyq qarym-qatynas 1992 jylǵy qańtardyń 3-inde ornatyldy.
