QHR-Eýroodaq-QHR baǵytynda konteınerlik tasymal kólemi 1,6 esege ósti
ASTANA. QazAqparat - QHR-Eýroodaq-QHR baǵytynda konteınerlik tasymal kólemi 1,6 esege ósti. Bul týraly búgin QR Úkimetindegi baspasóz máslıhatynda elimizdiń INvestıtsııalar jáne damý mınıstri Jeńis Qasymbek málim etti, dep habarlaıdy QazAqparat.
Aǵymdaǵy jyldyń birinshi toqsanynda kólik qyzmetiniń kólemi 3,4 paıyzǵa, júk aınalymy 5,4 paıyzǵa ósti. Tranzıttik konteınerlik tasymal baǵytyndaǵy kórsetkishter de jaqsara túsýde. Búgingi kúni biz Qazaqstannyń tranzıttik áleýetin barynsha paıdalanýǵa kúsh salýdamyz»,- dedi ol. Mınıstrdiń dereginshe, 2017 jyldyń І toqsanynda ótken jyldyń sáıkes kezeńimen salystyrǵanda tranzıttik konteınerlik tasymal kólemi 3 esege artyp otyr.
«QHR-Eýroodaq-QHR baǵytynda konteınerlik tasymal kólemi 1,6 esege ósti. «Nurly jol» memlekettik baǵdarlamasy aıasynda 2019 jylǵa deıin avtojol salasynda 1,7 trln teńge qarjyǵa uzaqtyǵy 4,4 myń km bolatyn 23 jobany júzege asyrýdy josparlaýdamyz», - dedi Qasymbek.
Onyń aıtýynsha, bıyl ótpeli 7 jobanyń jumysy jalǵasady. Jyl sońynda 602 shaqyrymda jumystardy aıaqtaý josparlanýda. Respýblıkalyq bıýdjet qarjysy men halyqaralyq qarjy ınstıtýttarynyń zaımy esebinen jalpy uzaqtyǵy 3,2 myń shaqyrym bolatyn 16 jańa jobany bastaý josparlanǵan.
«Jalpy, avtomobıl joldarynyń qurylysy men qaıta qurý jumystaryn júrgizýge bıyl 100 myń adam atsalysatyn bolady», - dedi ol.
