QHR Elshisi Qytaıdaǵy tanymal qazaqstandyq taýarlardy atady
ASTANA. QazAqparat - Qytaı Qazaqstannan keletin taýar ımportyn ulǵaıtýǵa daıyn, dep habarlaıdy QazAqparat tilshisi.
«Eki el arasyndaǵy taýar aınalymy turaqty túrde ósip keledi. Biz qytaılyq taraptan Qazaqstannan keletin taýar ımportyn ulǵaıtýǵa daıynbyz. Qazaqstandyq un, maı jáne ózge de ónimder Qytaıdaǵy eń ótimdi taýarlarǵa aınaldy. Qytaı halqy Qazaqstan týraly kóbirek bilip kele jatyr», - dedi QHR elshisi QR Qarýly Kúshteriniń áskerı-tarıhı mýzeıinde «Búgingi Qytaı» fotokórmesiniń ashylý saltanatynda.
Sonymen birge, elshi eki el arasyndaǵy qarym-qatynasty damytýdyń bolashaǵy zor ekenin atap ótip, qytaılyq ınvestorlardyń Qazaqstanǵa kelip, birlese jumys isteýge nıetti ekenin jetkizdi.
Buǵan deıin 2017 jyldy túıindegen QR Ulttyq ekonomıka mınıstri Tımýr Súleımenov 11 aı ishinde Qytaıǵa eksport kólemi 34,9%-ǵa artqanyn málimdegen edi.
QR Aýyl sharýashylyǵy vıtse-mınıstri Nurjan Áltaevtyń habarlaýynsha, Qytaımen arada balyq ónimderin, asyl tuqymdy jylqylar, muzdatylǵan qoı eti, bal, bıdaı, soıa burshaqtaryn eksporttaý boıynsha hattamalarǵa qol qoıylǵan.
