QHR-dyń jalpy ishki óniminiń ósimi 2021 jyly 6%-dan asady

BEIJІŃ.QazAqparat – 2021 jyly QHR JІÓ-niń ósý qarqyny 6%-dan asady, dep habarlandy Qytaı úkimetiniń juma kúni joǵary zań shyǵarýshy organynyń jyl saıynǵy sessııasynda jarııalanǵan baıandamasynda.

Bul týraly «QazAqparat» HAA menshikti tilshisi jazady.

«Aǵymdaǵy jyly áleýmettik-ekonomıkalyq damýdyń mynadaı negizgi kórsetkishteri belgilendi: JІÓ ósimi 6%-dan astamdy quraıdy», – delingen baıandamada.

Jumyssyzdyq deńgeıi 5,5% deńgeıinde bolady, 11 mln astam jańa jumys oryndaryn qurý josparlanýda. Tutyný baǵalarynyń ósýi shamamen 3% deńgeıinde boljanady.

Qytaı Úkimeti jumysynyń ekpini eldegi ekologııalyq jaǵdaıdy jaqsartýǵa baǵyttalady, josparda JІÓ-niń energııa syıymdylyǵyn 3%-ǵa tómendetý, sondaı-aq lastaýshy zattardyń negizgi túrleriniń jıyntyq shyǵaryndylaryn qysqartýdy jalǵastyrý kózdelgen. Sondaı-aq ortalyq bıýdjetten ınfraqurylym qurylysy, kólik, gıdroenergetıka, ýrbandalý jáne eldiń óńirlik damýy salasyndaǵy jobalarǵa 610 mlrd ıýan (shamamen $94 mlrd) mólsherinde ınvestıtsııalar bólý josparlanyp otyr.

Rýslan Súleımenov