QHR-dyń Sıan qalasynda qazaqstandyq ortalyq ashylatyn boldy
Beıjiń-Sıan. QazAqparat - 2017 jyldyń birinshi jartysynda Qytaı Halyq Respýblıkasynyń Sıan qalasyndaǵy shet tilder ýnıversıtetinde qazaqstandyq ortalyq ashylady. Al, osy jyldyń qyrkúıek aıynda onda qazaq tili kafedrasy ashylady.
Atalmysh máselelerge baılanysty kelisim búgin Qazaqstannyń QHR-daǵy elshiliginiń keńesshisi Qaırat Abdrahmanov pen Qytaıdyń atalǵan joǵary oqý ornynyń birinshi prorektory Van Fenmen bolǵan kelissózder barysynda málim boldy.
SShTÝ 1950 jyly qurylǵan jáne onda 51 túrli mamandyq boıynsha mamandar daıarlanady. Oqý orny sonymen qatar halyqaralyq deńgeıdegi qyzmetkerler men aýdarmashylar daıyndaıtyn birden bir bilim oshaǵy. Ýnıversıtette 15 myńǵa jýyq stýdent bilim alýda. Olardyń arasynda 72 qazaqstandyq bar.
Esterińizge sala keteıik, Qytaıda eń alǵashqy qazaqstandyq ortalyq 2015 jyldyń 16 qarshasynda Shanhaı shet tilder ýnıversıtetinde ashylǵan bolatyn. Ekinshisi osy jyldyń 13-shi jeltoqsanynda Beıjiń shet tilder ýnıversıtetinde, úshinshisi 2016 jyldyń 8-qańtarynda Dalıan shet tilder ýnıversıtetinde ashyldy.
