QHR-da uıǵyr ǵalymyn «separatızm úshin» ómir boıy bas bostandyǵynan aıyrdy
ASTANA. QazAqparat - Qytaıda sot separatızm úshin aıyptalǵan uıǵyr ǵalymy, quqyq qorǵaýshy, burynǵy ýnıversıtet professory Ilham Tohtıge ómir boıy bas bostandyǵynan aıyrý jazasyn kesti, dep habarlady Bı-Bı-Sı.
Tohtı Beıjiń saıasatyn Shyńjań-Uıǵyr avtonomııalyq ólkesine qatysty uıǵyr musylmandarynyń quqyqtaryn shektedi degen kúdikpen birneshe ret synǵa alǵan.
Sarapshylardyń pikirinshe, ǵalymǵa shyǵarylǵan úkim onsyz da tynyshtyǵy ketken óńirde áleýmettik qysymdy kúsheıtýi múmkin.
Tohtı advokatynyń aıtýynsha, onyń qorǵaýshysy úkimge shaǵymdanbaq.
Qańtarda bolǵan tintý barysynda kompıýter, telefon, akademııalyq jumystaryn qosa alǵanda, ǵalymnyń barlyq jeke múlikteri tárkilengen.
