QHR-da Mao Tszedýnnyń altyn jalatylǵan alyp músini ornatyldy
ASTANA. QazAqparat - Qytaılyq Henan provıntsııasynda Mao Tszedýnnyń 37 metrlik altyn jalatylǵan músinin saldy.
Alyp monýmentti jergilikti bıznesmender jasatqan. Jergilikti BAQ habarlaǵandaı, olar músinniń qurylysy úshin shamamen 3 mıllıon ıýan (shamamen 460 myń dollar) jıǵan. Aqshany jınaýǵa mańaıdaǵy aýyldardyń keı turǵyndary da qatysty, dep habarlady The People's Daily.
Mao Tszedýnnyń músini Henan provıntsııasynyń Týnsıýı ýezinde ornatylady.
1950 jyldardyń sońynda Henan asharshylyqtan eń kóp zardap shekken provıntsııalardyń biri boldy. Bul Mao júrgizgen saıasattyń nátıjesi bolǵan.
Qytaılyq áleýmettik jelilerde músinge qatysty halyqtyń pikiri ekige bólindi. Bireýleri jer durys tańdalmaǵanyn, al qurylysqa jumsalǵan aqshany ózge baǵytqa bólý kerek edi dep sanasa, endi bireýleri aýyl sharýashylyǵynyń alańynda boı kóteretin músin QHR-dyń birinshi tóraǵasyn máńgi este saqtaý úshin jasalǵan jaqsy shara dep otyr.
Qytaıdyń qazirgi basshysy Sı Tszınpın Maony onyń qatelikterine qaramastan, tarıhtaǵy uly tulǵa dep esepteıdi.
