QHR-da lańkestik jasaǵandary úshin 12 adam ólim jazasyna kesildi
BEIJІŃ. QazAqparat - Qytaılyq BAQ-tyń habarlaýynsha, Shyńjań Uıǵyr avtonomııalyq ólkesiniń Qashǵar okrýgynyń soty osy jyly shilde aıynda Shache ýezinde lańkestik aktsııalaryn uıymdastyrdy dep aıyptalǵan 58 adamnyń isin qarady.
Sot sheshimine sáıkes, 12 adam ólim jazasyna kesildi, 15-i eki jylǵa shegerilgen ólim jazasyna, 9-y ómir boıy bas bostandyǵynan aıyrylsa, 20-sy 4-ten 20 jylǵa deıin, ekeýi shartty túrde sottaldy.
Eske sala keteıik, ShUAÓ-niń Shache ýezinde pyshaqpen qarýlanǵan lańkester toby jergilikti ákimshilik, polıtsııa ýchaskesi men beıbit turǵyndarǵa shabýyl jasady. Saldarynan 37 adam qaza bolyp, 13-i jaraqattandy. Quqyq qorǵaý organdarynyń qyzmetkerleri olardyń 59-nyń kózin joıyp, 215 adam qamaýǵa alyndy.
