QHR bıligi: Beıjiń qalasyn negizgi lastaýshylar - kólikter
BEIJІŃ. QazAqparat - Beıjińdi negizgi lastaýshylar - kólikter. Bul týraly Tszıansý provıntsııasy Ýsı qalasynda ótken baspasóz máslıhatynda QHR qorshaǵan orta mınıstriniń orynbasary Ý Sıaotsın málim etti.
«Qytaıdyń 9 qalasynda júrgizilgen zertteý Beıjiń, Gýanchjoý, Hanchjoý jáne Shenchjen qalalaryn negizgi lastaýshylar motorly kólik quraldary ekenin kórsetti», - dedi ol.
Onyń sózine qaraǵanda, 2014 jyldyń sońyndaǵy statıstıkalyq málimetterge sáıkes, Qytaıda 264 mln motorly kólik paıdalanylady. Onyń 154 mln-y - avtomobılder. Bul kórsetkish boıynsha QHR AQSh-tan keıingi ekinshi orynda. Aspan asty eliniń astanasynyń joldarymen shamamen 5,6 mln avtomobıl júredi. Ortasha alǵanda 100 januıaǵa 63 kólikten keledi. Shanhaı, Tıantszın jáne Nınbo qalalarynyń negizgi lastaýshy kózderi - shań-tozań men ónerkásiptik óndiris qaldyqtary. Al Shıtszıachjýan men Nankınniń aýasyn kómirdiń janýy lastaıdy eken. Bir jyl ishinde Qytaıdyń ózge 26 iri qalasy boıynsha nátıjeler belgili bolady.
