QHR basshysy Sı Tszınpınniń tegin XI sanyna teńegen jańalyq júrgizýshisi jumystan qýyldy
ASTANA. QazAqparat - Úndistanda QHR tóraǵasy Sı Tszınpınniń (Xi Jinping) tegin XI rım sanyna teńegen jańalyqtardyń júrgizýshisi jumystan shyǵaryldy.
Osylaısha onyń qatelesip ketýi saldarynan Sı Tszınpın - «on birinshi» Tszınpın bolyp shyǵa kelgen.
Oqıǵa Doordarshan News arnasynyń efırinde oryn alǵan. "DD News júrgizýshisi bul olqylyǵy úshin jumystan shyǵaryldy", - dep jazyldy arnanyń Twitterdegi paraqshasynda.
Reuters habarlaǵandaı, Doordarshan News ókili júrgizýshi óreskel qate jibergendikten, birneshe aıǵa efırden jańalyqty oqýdan shettetilgenin aıtqan. Sondaı-aq ol júrgizýshi ýaqytsha jumys istegenin habarlady.
Sı Tszınpın Úndistanǵa resmı saparmen 17 qyrkúıekte, Úndistan premer-mınıstri Narendra Modı 64 jyldyǵyn toılap jatqan shaqta kelgen.
