QHR basshysy Hý Tszıntao AQSh-qa keldi

Birinshi kúnge AQSh prezıdenti Barak Obamamen kelissózderi josparlanǵan. Memleket basshylary AQSh-tyń Qytaımen arasyndaǵy saýda defıtsıtin talqylaıdy degen boljam aıtylyp otyr. Amerıkandyq sarapshylar oryn alyp otyrǵan jaǵdaıdyń Qytaı ıýanynyń jasandy tómendetilgeninen bolyp otyrǵanyn alǵa tartady, dep habarlaıdy «BBC orys qyzmeti».

Sapar aldynda amerıkandyq BAQ ókilderine bergen suhbatynda Hý Tszıntao Vashıngton men Pekın qarym-qatynastyń jańa deńgeıine shyǵý kerek ekendigin atap ótken.

Taldaýshylar qytaılyq basshynyń osy saparyn sońǵy otyz jyldaǵy eń mańyzdysy dep atap otyr. Munyń sebebi, Pekınniń sońǵy jyldary ekonomıkalyq, áskerı, jáne dıplomatııalyq turǵydan kúsheıýimen túsindiriledi.

Sonymen qatar QHR Tóraǵasynyń AQSh-qa saparynyń bir sebebi, álemniń alyp eki ekonomıkasynyń arasyndaǵy teketirestiń ýshyǵýy bolyp tabylady. Eki eldiń arasynda Taıvan mártebesi jáne Qytaıda adam quqyqtarynyń saqtalýy máselelerinde kelispeýshilikter bar. Osy jaıttar kelissózder barysynda talqylanady degen boljam jasalyp otyr.