QHR Bas prokýratýrasy Qazaqstanmen yntymaqtastyqty úlgi etti

BEIJІŃ. QazAqparat - Qazaqstan men Qytaıdyń shekaralas  aýdandarynda prokýratýra organdarynyń udaıy kezdesýi jáne tikeleı yntymaqtastyq mehanızmin qurýy ótken bes jyl ishinde  «Bir beldeý, bir jol» qurylysyndaǵy iri jetistikterdiń birine aınaldy. Bul týraly QHR Joǵarǵy halyqtyq prokýratýrasy (JHP) Bas prokýrory Tsao Tszıanmın málimdedi, dep habarlaıdy Qytaıdaǵy «QazAqparat»  HAA menshikti tilshisi.

Onyń aıtýynsha, ótken bes jyldyń ishinde  JHP Halyqaralyq prokýrorlar qaýymdastyǵynyń is-qımylyn belsendi túrde damyta otyryp «Bir beldeý, bir jol» qurylysyna aýqymdy úles qosty. Atap aıtqanda, Shanhaı yntymaqtastyq uıymyna múshe-memleketter (ShYU)  bas prokýrorlarynyń, Qytaı jáne ASEAN     bas prokýrorlarynyń otyrystaryn uıymdastyrdy.

Sondaı-aq ol Qytaı Joǵarǵy halyqtyq prokýratýrasy  95 sheteldik ulttyq jáne óńiraralyq quqyq qorǵaý qurylymdarymen lańkestikke qarsy kúreste, qylmyskerlerdi izdeý jáne urlanǵan múlikterdi keri qaıtarý, sondaı-aq telekommýnıkatsııalyq salalar men kıberkeńistikte   qylmysqa qarsy kúreste yntymaqtastyq boıynsha  145 eki jaqty kelisim jasalǵandyǵyn habarlady.  Bul baǵytta  2013 jyly 675 qylmystyq is boıynsha sheteldik áriptesterge kómek kórsetilgen.
Tsao Tszıanmın óz sózinde 2017 jyly  Prokýrorlardyń halyqaralyq qaýymdastyǵynyń 22-jylsaıynǵy konferentsııasy uıymdastyrylǵanyn, oǵan álemniń  98 elinen 500 den astam ókil qatysqandyǵyn atap ótti.

Eske sala ketsek, bul konferentsııaǵa Qazaqstan Respýblıkasy Bas prokýrorynyń orynbasary Andreı Lýkın de qatysqan bolatyn.