QHR bankterinde merzimi ótken kredıtter kólemi 2016 jylǵy birinshi toqsanda $213 mlrd-qa deıin artty
ASTANA. QazAqparat - 2016 jylǵy birinshi toqsannyń aıaǵynda Qytaı kommertsııalyq bankteriniń merzimi ótken kredıtteriniń kólemi 9,23%-ǵa artyp, 1,39 trln ıýandy ($213 mlrd) qurady.
QHR bank qyzmetin retteý komıssııasynyń baıandamasynda qytaı kommertsııalyq bankteriniń arasynda ótelýi nashar qaryzdyń jalpy kórsetkishi 2015 jyly 1,67%-dan bastap, aǵymdaǵy jyldyń birinshi toqsanynyń qorytyndysy boıynsha 1,75%-ǵa deıin ósti, dep habarlady TASS.
«Tutastaı táýekel deńgeıi baqylanatyn deńgeıde qalady», - degen Lianxun Securities ınvestıtsııalyq kompanııasynyń sarapshysy Fý Lıchýnnyń pikiri jumada "Tszıntszı tsankao bao" basylymynda keltirildi.
Ol kórsetkish ósiminiń negizgi sebepteri qytaı ekonomıkasyn reformalaý úrdisi dep sanaıdy. Fý Lıchýn eger qaryzdy ulǵaıtý máselesin sheshpese, onda qytaı ekonomıkasy kredıttik táýekelderge urynatynyn aıtty.
Baıandamada kredıtterdiń merzimi ótýiniń artý sebepteriniń biri qytaı ekonomıkasynyń ósý qarqynynyń baıaýlaýy bolyp tabylady delingen. Qazirgi ýaqytta Qytaıda ulttyq ekonomıka ósimi qarqyny birtindep baıaýlaý ústinde.
