QHR bankterdi qoldaý úshin 70 mlrd dollarǵa memlekettik oblıgatsııalar shyǵarady

ASTANA. KAZINFORM — Qytaıdyń Qarjy mınıstrligi iri memlekettik kommertsııalyq bankterdi qoldaý úshin quny 500 mlrd ıýan (shamamen 69,7 mlrd dollar) bolatyn arnaıy qazynashylyq oblıgatsııalar shyǵarylatynyn jarııalady.

Vedomstvonyń málimdemesinde bul sharalar tórt bankti qoldaýǵa baǵyttalǵany atap ótildi: Qytaı banki, Qytaıdyń qurylys banki, Qytaı kommýnıkatsııalar banki jáne Qytaıdyń Poshta-jınaqtaýshy banki. 

— Qazirgi ýaqytta Qytaıdyń eń iri memlekettik kommertsııalyq bankterinde aktıvter sapasy turaqty jáne yqtımal shyǵyndardy jabý úshin jetkilikti qor bar, — dep habarlady mınıstrlik.

Budan basqa, bul bankterge naqty ekonomıkaǵa qyzmet etetin negizgi kúsh retindegi rólin jaqsartýǵa kómektesedi dep kútilip otyr. 

Eske sala ketsek, naýryz aıynyń basynda Qytaı parlamenti 14-shi besjyldyq josparyn qabyldady. 

TikTok jelisiniń negizin qalaýshy taǵy da Qytaıdyń eń baı adamy boldy.