QHR azamaty Qazaqstannan Qytaıǵa at basyndaı altyn quımalaryn alyp ótpek bolǵan
ASTANA. 23 qyrkúıek. QazAqparat - Taıaýda Qazaqstan shekarashylary shekara asyp bara jatqan salmaǵy 4 keliden astam bolatyn altyn quımalarynyń jolyn kesti.
Bul týraly QR UQK ShQ baspasóz qyzmetinen habarlady.
«Horgos» shekara beketiniń narıady keden qyzmetkerlerimen birlese otyryp, Qazaqstannan kórshiles Qytaı eline sapar shegip bara jatqan «ıÝtong» jolaýshylar avtobýsyn tekserý kezinde jalpy salmaǵy 4 keliden asatyn altyn quımalardy tapty. Barlyǵy 6 quımadan turatyn altynnyń jalpy baǵasyn eseptegende 30 mıllıon teńgeden asyp tústi.
Avtobýstyń motoryna tyǵylǵan at basyndaı altyn quımalardyń ıesi 1969 jyly týylǵan Ma esimdi Qytaı Halyq Respýblıkasynyń azamaty bolyp shyqty.
Tergeý amaldary júrgizilýde.
