QHL jańa lıgasyndaǵy «Barystyń» bas bapkeriniń esimi belgili boldy

ASTANA. KAZINFORM – Shaıba.kz saıtynyń habarlaýynsha, 3h3 jańa lıgasynda «Barys» komandasyn Pavel Glotov basqarady, dep jazdy Sports.kz portaly.

Ol 2014 jyly sporttyq mansabyn aıaqtaǵannan keıin «Barys», «Nomad» jáne «Qar barystary» jasóspirimder sport mektepterinde jattyqtyrýshy bolyp jumys istedi. 46 jastaǵy maman bıylǵy maýsymdy Astana JHL komandasymen bastady.

Pavel Glotov 2022-2023 jyldardaǵy álem chempıonatynda Qazaqstan jastar quramasynyń jattyqtyrýshylar shtabynyń quramynda da boldy.

Osyǵan deıin Talǵat Jaılaýovtyń «Barysqa» qaıta oralatynyn jazdyq.

Óskemendik túlek astanalyq «Barys» sapynda 12 maýsym ótkizdi. Oǵan deıin 5 jyl boıy «Qaztsınk-Torpedonyń» namysyn qorǵady. Forvard Qazaqstan quramasy sapynda 9 álem chempıonatynda da óner kórsetti. Hokkeıshiniń sońǵy klýby 2020-2021 jylǵy maýsymda «Saryarqa» boldy.