QHL tóreshisi Sheremetevo áýejaıynda basy jarylǵan kúıi tabylǵan
ASTANA. QazAqparat - Tanymal hokkeıshi jáne Qurlyqtyq hokkeı lıgasynyń (QHL) qazirgi tóreshisi Pavel Komarov Máskeýdegi Sheremetevo áýejaıynda basy jarylǵan kúıi tabylǵan, dep habarlaıdy championat.com.
Sýdıa Rıgada ótken matchtan keıin Máskeý arqyly Nıjnıı Novgorod qalasyndaǵy úıine ushyp bara jatqan. Ony transfer júrgizýshisi aýysyp otyrý kezinde ushaǵy ushyp ketkennen keıin es-túzsiz kúıinde tapqan. Komarovty aýyr halde aýrýhanaǵa jetkizgen. Sýdıanyń jubaıy Ekaterına Komarovanyń aıtýynsha, tóreshi Rıgadan Máskeýge kelgen. Juma kúni saǵat 15:00-de Sheremetevo áýejaıyna qonǵan, keıin 16:30-da Nıjnıı Novgorod qalasyna ushyp ketýi tıis bolǵan. Dárigerler Paveldiń ózi qulap, basyn jaryp alǵanyna senimdi emes: oǵan bas súıek-mı zaqymy degen dıagnoz qoıylǵan. Aldyn ala derek boıynsha, onyń basynan doǵal zatpen urǵan.
«Sońǵy ret Pavel maǵan 16:10-da qońyraý shalyp, ushaqqa otyrý úshin avtobýsta kele jatqanyn habarlaǵan. Onyń qasynda bireý bolsa, maǵan aıtar edi. Eger ol ushaqtyń bortyna otyrmasa, ony nege izdemegen? Eger ol ushpaǵan bolsa, onyń júgi Nıjnıı Novgorodqa jetýi tıis edi, alaıda ony maǵan Sheremetevoda berdi. Onyń sómkesin reısten alyp tastaǵan. Meniń kúıeýim únemi bıznes-klasta ushady. Nege ol ushaqqa otyrý úshin barlyǵyna arnalǵan avtobýsqa mingen?», - dedi Ekaterına Komarova.
Komarov 2009 jyldan beri QHL matchtaryna bas tóreshi retinde qyzmet kórsetip keledi.
