QHL: Shyǵys konferentsııasynda «Barys» kósh bastap tur

Sońǵy eki oıynnan keıin «Barys» hokkeı klýby alty upaıǵa ıe bolyp, Qurlyqtyq hokkeı lıgasynyń Shyǵys konferentsııasynda birinshi orynǵa kóterildi. Al qaqpaǵa soǵylǵan jáne ótkizip qoıǵan shaıbalardyń sany (15-4) jaǵynan astanalyq klýb tek bıylǵy chempıonattyń favorıtteri - «Dınamo-Máskeý» (16-3) jáne «SKA» (16-6) komandalaryna ǵana jol berip tur. Alaıda «Barystyń» oıynshylary - Naıdjel Doýs, Maık Landın jáne Brendon Bochenskı úzdik surmergen men paıdaly pas bergen hokkeıshilerdiń ishinen oq boıy ozyq shyqty.

Aıta keteıik, Qurlyqtyq hokkeı lıgasy aıasyndaǵy komandalar shyǵys jáne batys konferentsııalarda óner kórsetedi. Árbir konferentsııanyń jeńimpazy fınalda kezdesip, Gagarın kýbogyn sarapqa salady.