QHL: Roman Starchenko úzdik shabýylshy atandy
NUR-SULTAN. QazAqparat – Elordalyq «Barys» pen Qazaqstan quramasynyń oıynshysy Roman Starchenko jeltoqsan aıynyń qorytyndysy boıynsha QHL-dyń úzdik shabýylshysy atandy, dep habarlaıdy QazAqparat tilshisi.
Qurlyqtyq hokkeı lıgasynyń (QHL) saıtynan alynǵan málimetke qaraǵanda, arnaıy komıssııa statıstıkalyq derekter negizinde aıdyń úzdik oıynshylaryn anyqtady.
Roman Starchenko jeltoqsanda 11 matchta 8 gol (úzdik nátıje) soǵyp, komandasymen birge 7 jeńiske qol jetkizdi. Shabýylshynyń alty kezdesýde qanjyǵasy qur ketpeı, sonyń ishinde «Sochı» men «Avtomobılıst» komandalarymen básekede qos goldyń avtory atandy. Roman osy eki oıynda jáne «Dınamomen» (Mınsk) aıdynǵa shyqqanda, jeńis shaıbalaryn soqty. Oǵan qosa R.Starchenko úsh márte nátıjeli pas berdi.
Sonymen qatar «Avtomobılısten» (Ekaterınbýrg) ıAkýb Kovarj úzdik qaqpashy, «Iokerıtten» (Helsınkı) Mıkko Lehtonen úzdik qorǵaýshy, «Spartaktan» (Máskeý) qorǵaýshy Akım Trıshın úzdik jańa oıynshy atandy.
Eske sala keteıik, sońǵy eki oıynynda jeńiske jetken «Barys» komandasy Shyǵys konferentsııasynda úshinshi orynda keledi.
