QHL pleı-off kezeńi: «Barys» ekinshi oıynda utyldy
ASTANA. QazAqparat - Qurlyqtyq hokkeı lıgasy pleı-off kezeńi aıasyndaǵy serııada astanalyq "Barys" "Traktorǵa" ekinshi oıynda ese jiberdi, dep habarlaıdy QazAqparat tilshisi.
Jerlesterimiz Chelıabide ótken alǵashqy básekede 5:2 esebimen jeńiske jetken bolatyn.
1/8 fınal aıasyndaǵy ekinshi matchta jergilikti "Traktordyń" hokkeıshileri "Barystyń" qaqpasyna bes birdeı shaıba soqty. Al bizdiń jigitter bir shaıbadan asyra alǵan joq.
Oıyn barysynda alǵashqy kezeńde esep ashylmady. Ekinshi kezeńde "Traktordyń" hokkeıshisi Alekseı Krýchının alǵashqy shaıbany soqsa, artynsha Aleksandr Sharov esepti eseledi. 40-shy mınýtta "Barys" oıynshylary Marten Sen-Perdiń kómegimen jaýap qaıtardy.
Alaıda, sońǵy kezeńde alań ıeleri úsh birdeı shaıba soqty. 50-shi mınýtta Artem Penkovskıı bos qaqpany dál kózdese, Maksıma ıAkýtsenı "Barystyń" qaqpasyna qos shaıba toǵytty.
Endi qos komanda 26 aqpan kúni Astanada qaıta jolyǵady.
