QHL pleı-off: Búgin «Barys» hokkeıshileri úshin sheshýshi oıyn bolady
ASTANA. 11 naýryz. QazAqparat - Búgin keshqurym Qurlyqtyq hokkeı lıgasy aıasyndaǵy pleı-off serııasyndaǵy tartysta astanalyq «Barys» pen magnıtogorlyq «Metallýrg» arasyndaǵy sońǵy sheshýi oıyn ótedi.
Atap aıtqanda, buǵan deıin pleı-off dodasynda qos komanda qatarynan 6 oıyn ótkizip, serııadaǵy esep 3:3 boldy.
Endi qarsylastardyń búgingi jetinshi kezdesýinde basym túsken komanda Gagarın kýbogi jolyndaǵy tartysyn jalǵastyryp, kelesi kezeńge aıaq basatyn bolsa, utylǵan komanda oıyn maýsymyn aıaqtaıdy.
Búgingi oıyn syrt aıdynda, ıaǵnı Magnıtogorsk qalasynda ótedi.
