QHL oıyndaryndaǵy úzdik «tóbelester» jarııalandy
ASTANA. QazAqparat - Reseılik «Match TV» saıty Qurlyqtyq hokkeı lıgasy maýsymynyń úzdik 10 tóbelesin jarııalady. «Barys» shabýylshysy Pavel Akolzın men Ombynyń «Avangard» klýbynyń oıynshysy Kırıll Petrovtiń «shaǵyn jekpe-jegi» bul tizimde jetinshi orynǵa jaıǵasty, dep habarlaıdy Sports.kz.
Chempıonattyń sońynda ótken «Barys» pen «Avangard» arasyndaǵy kezdesý Chernyshev dıvızıonyndaǵy jeńis úshin talasta sheshýshi mánge ıe boldy. Oıyn teketireske toly boldy, sonyń ishindegi eń este qalǵan sát birinshi kezeńniń aıaǵynda oryn aldy. Qonaqtar qaqpasy aldyndaǵy qos komanda oıynshylarynyń qaqtyǵysy Pavel Akolzın men Kırıll Petrovtiń tóbelesine ulasyp ketti. Alaıda ol «aıqas» uzaqqa sozylmady. «Barys» şabýylshysy oń qolymen bir soqqy jasap, qarsylasyn nokaýtqa jiberdi», - delingen materıalda.
