QHL: «Metallýrg» komandasy «Barysty» óz alańynda san soqtyryp ketti
ASTANA. QazAqparat - Búgin astanalyq "Barys" xokkeı klýby óz alańynda "Metallýrg" komandasyna qarsy kezekti matchyn ótkizdi, dep xabarlaıdy QazAqparat tilshisi.
Birinshi kezeńde eki komandada da shaıba soǵýǵa jaqsy múmkindikter boldy. Degenmen eki jaq ta qaqpashylardyń qorǵanysynan sańylaý taba almady. Al ekinshi kezeńde Sergeı Mozıakınniń pasynan keıin "Metallýrg" komandasynyń surmergeni Danıs Zarıpov qaqpany aınalyp baryp, bir shaıbany soǵyp ketti. Henrık Karlson aıaq qalqanymen qaqpanyń buryshyn jaýyp úlgermedi. Esep - 0:1. Osy kezeńniń sońynda qarsylastar kezekti ret san basymdyǵyna ıe boldy. Danıs Zarıpovtyń úshtigi osy múmkindikti de qalt jibergen joq. ıAn Kovarjdyń pasynan keıin Zarıpov óziniń "súıikti" buryshynan ekinshi shaıbasyn soǵyp, dýbldiń avtory atandy.
Úshinshi kezeńniń basynda "Barystyń" xokkeıshileri óz basymdyǵyn iske asyra bildi. "Metallýrg" shaıbany óz alańynan shyǵarmaqshy bolǵanda Brendon Bochenskı ony toqtatyp, Marten Sen-Perdiń ádemi pas berýine jaǵdaı jasady. Dastın Boıd shaıbany birden qaqpaǵa toǵytty. Alaıda kóp uzamaı, ádemi pasty bergen Marten Sen-Per erejeni buzyp, óz komandasyn kem quramda qaldyrdy. Qarsylastyń birinshi úshtigi ony da iske asyrdy. Danıs Zarıpovtyń áriptesi Sergeı Mozıakın úshinshi shaıbany salyp ketti. Esep - 1:3. Al bes mınýttan keıin gol salǵan Dastın Boıd aıyp ýaqytyn óteýge attandy. Osy kezde "Metallýrgtyń" birinshi úshtigi taǵy bir shaıbany soqty. Sergeı Mozıakınniń pasynan keıin ıAn Kovarj esepti 1:4-ke jetkizdi. Al araǵa eki mınýt salyp, Danıs Zarıpov kezekti ret xet-trıktiń avtory atandy. Matchtyń aıaq jaǵynda "Barys" eki oıynshyǵa artyq quramda oınaýǵa múmkindik aldy. Brendon Bochenskı eki birdeı shaıba soǵyp, xet-trıktiń avtory atansa, óz komandasyn jeńilisten qutqara almady. Qorytyndy esep - 3:5.
Aıta keteıik, osy oıynnan keıin "Metallýrg" komandasy jalpy esep boıynsha 0:3-pen alda keledi. Endi, taǵy bir ret jeńse, lıganyń jartylaı fınalyna shyǵady.
