QHL klýbtarynyń biri «Qaztsınk-Torpedonyń» eki shabýylshysyn almaq
ASTANA. QazAqparat - QHL-da óner kórsetetin «Admıral» klýby Qazaqstannyń «Qaztsınk-Torpedo» komandasynyń eki shabýylshysyn baıqaýǵa aldy, dep habarlaıdy Qurlyqtyq hokkeı lıgasynyń resmı saıty.
Aleksandr Voljankın men Vladımır Jmaev «Admıralda» synaq merzimin ótkizedi dep josparlanýda, osyǵan oraı ýaqytsha kelisimshartqa qol da qoıylǵan. 2013/2014 oıyn maýsymynda Vladıvostok qalasynyń namysyn qorǵaǵan atalmysh klýb QHL-da alǵash ret óner kórsetti jáne Shyǵys konferentsııasynda 8-orynǵa ıe boldy. Gagarın kýbogynyń 1/8 fınalynda «Admıral» kýboktyń bolashaq jeńimpazy magnıtogorskilik «Metallýrgqa» jol berdi.
Reseılik forvard Voljankın «Qaztsınk-Torpedo» sapynda 53 oıyn ótkizip, 21 (8+13) upaı jınady. Al onyń otandasy Jmaev óskemendik komandada 20 match oınady jáne segiz (5+3) upaıdy qanjyǵasyna ildi.
