QHL: kelesi oıynda «Barys» «Lokomotıvpen» kezdesedi
ASTANA. 9 qyrkúıek. QazAqparat - Erteń Qurlyqtyq hokkeı lıgasynyń altynshy chempıonaty aıasynda Astana qalasynyń «Barys» hokkeı klýby óz alańynda «Lokomotıv» (ıAroslavl) komandasyn qabyldaıdy.
Birinshi oıynda «Severstaldi» jeńgennen keıin «Barys» úsh upaımen jalpy týrnırlik kesteniń jetinshi ornyna ornalasty. Negizi, lıgada oınap jatqan 28 komandanyń ishinde úsh upaıdy oljalaǵan quramalar barshylyq. Alaıda «Barystyń» hokkeıshileri qarsylastyń qaqpasyna 10 (!) birdeı shaıba salǵandyqtan, ol komandalardyń aldyn orap ketti. Al máskeýlik «Dınamo» toǵyz upaımen baıaǵydaı kósh bastap tur. «Barystyń» erteńgi qarsylasy - «Lokomotıv» buǵan deıin eki márte utylyp, birde-bir upaıǵa ıe bola almaı, kósh sońynda keledi.
Aıta keteıik, erteńgi oıyn «Qazaqstan» sport kesheninde ótedi. Ony keshki saǵat 19:00-de «KAZsport» telearnasynan kórýge bolady.
