QHL-dyń juldyzdar matchyna T.Jaılaýovtyń qatysqany durys bolar edi - B.Bochenskı
ASTANA. 30 qarasha. QazAqparat - Keshe Qurlyqtyq hokkeı lıgasynyń juldyzdar matchyna qatysatyn úmitkerlerge daýys berý naýqany aıaqtaldy. Onyń qorytyndysy boıynsha «Barystyń» forvardy - Brendon Bochenskı alǵashqy bestikke endi.
B.Bochenskı 8 myńǵa jýyq daýys jınady. Alaıda onyń aldynda «Barys» saıtyna bergen suhbatynda ol QHL-dyń juldyzdar matchyna T.Jaılaýovtyń qatysqany durys bolady degen pikirin jetkizgen edi. «Sebebi Talǵat óte jaqsy oınaıdy. Sosyn bizdiń komandamyzda jalǵyz ol ǵana Qazaqstan men Astanany tanystyra alady. Ony sol matchta kórgim keledi», - degen bolatyn.
Aıta keteıik, Qurlyqtyq hokkeı lıgasynyń árbir chempıonaty aıasynda juldyzdar matchy ótedi. Oǵan úzdik hokkeıshiler qatysady. Bul oıynda batys jáne shyǵys konferentsııasynyń eki qurama komandasy bir-birine qarsy shyǵady. Osy jolǵy match 11 qańtar kúni Slovakııanyń Bratıslava qalasynda ótedi.
