QHL-dyń taǵy bir bapkeri otstavkaǵa ketti
ASTANA. 31 qazan. QazAqparat - Qurlyqtyq hokkeı lıgasynda óner kórsetip júrgen «ıÝgra» hokkeı klýbynyń bas bapkeri Sergeı Shepelev otstavkaǵa ketti.
Reseıdiń Hanty-Mansıısk qalasynyń hokkeı klýby sońǵy alty oıynda qatarynan jeńildi. Osyǵan baılanysty klýb basshylyǵy komandanyń bas bapkeri Sergeı Shepelevti otstavkaǵa jiberýge sheshim qabyldady. Aıta keteıik, 19 qyrkúıek kúni ótken matchta da «ıÝgra» astanalyq «Barys» hokkeı klýbynan 6:2 esebimen utylǵan bolatyn. Qazirgi kezde bas bapkerdiń ornyna Oleg Davydov taǵaıyndaldy. Sondaı-aq búgin «Neftehımık» komandasynyń bas bapkeri, «Barysqa» jetekshilik etken tájirıbeli maman Vladımır Krıkýnov ta otstavkaǵa ketken bolatyn.
Qurlyqtyq hokkeı lıgasynyń kestesine sáıkes, «Barys» pen «ıÝgra» arasyndaǵy kelesi oıyn 2014 jyly 28 qańtarda ótedi.
