QHL-dyń alǵashqy matchy: «Dınamo» hokeıshileri «Traktordy» oısyrata utty
ASTANA. 4 qyrkúıek. QazAqparat - Qurlyqtyq hokkeı lıgasynyń kezekti altynshy chempıonaty resmı túrde ashyldy. Bıylǵy maýsymdy ótken chempıonatta fınalǵa shyqqan «Dınamo» (Máskeý) jáne «Traktor» (Chelıabi) komandalary ashty.
«Lýjnıkı» sport kesheninde ótken matchta «Dınamonyń» hokkeıshileri «Traktordy» oısyrata utty. Oıynnyń basynda «Traktor» komandasy bir shaıbamen alǵa shyqsa da, keıingi shaıbalardyń barlyǵy «Dınamonyń» paıdasyna jazyldy. Qorytyndy esep - 5:1. Osylaısha, Qurlyqtyq hokkeı lıgasynyń sońǵy chempıony «Dınamo» Chelıabi qalasynyń «Traktoryn» taǵy bir márte san soqtyryp ketti. Al qyrkúıektiń 8-i kúni astanalyq «Barys» hokkeı klýby alǵashqy oıyndy «Severstal» komandasymen ótkizedi. Bul match Astanadaǵy «Qazaqstan» sport kesheninde ótpek. Aıta keteıik, bıylǵy maýsymda «Barystyń» barlyq oıyndaryn «Qazsport» arnasy kórsetetin bolady.
