QHL-da BAÁ hokkeı klýby oınaýy múmkin
ASTANA. QazAqparat - QHL-da Birikken Arab ámirlikteri hokkeı klýby oınaýy múmkin, dep habarlaıdy «SPORTINFORM» SAA QHL dırektorlar keńesiniń múshesi, lıganyń birinshi prezıdenti Aleksandr Medvedevke silteme jasap.
«Qazir lıgaga BÁÁ qyzyǵýshylyq tanytyp otyr, olar baı hokkeı komandasyn jasaqtamaq. Olar Qurlyqtyq hokkeı lıgasynda oınaýy múmkin. Jýyrda bizge habarlasyp, buǵan qarajat ta, qalaý da bar ekenin málimdedi. Birikken Arab ámirlikterinde birer is qolǵa alynsa, ol jerde qarjylaı qıyndyq týyndamaıtynyn búginde jurttyń bári biledi», - deıdi A. Medvedev.
Eske sala keteıik, 2017-2018 jylǵy maýsym aıaqtalǵan soń QHL dırektorlar keńesi reseılik Hanty-Mansıskiniń «ıÝgra» jáne Tolıattıdiń «Lada» komandalaryn lıgadan shyǵaryp jibergen bolatyn.
