QHL: «Barystyń» pleı-off satysyndaǵy oıyn kestesi belgili boldy
NUR-SULTAN. QazAqparat - Elordalyq «Barys» komandasynyń qatysýymen ótetin Qurlyqtyq hokkeı lıgasy pleı-off satysy birinshi kezeńiniń oıyn kestesi belgili boldy. Bul jóninde klýbtyń baspasóz qyzmetinen málim etti, dep habarlaıdy QazAqparat tilshisi.
Jarystyń atalǵan satysynda Reseıdiń «Metallýrg» komandasymen kezdesedi.
Alǵashqy eki oıyn 1 jáne 3 naýryz kúnderi Magnıtogorsk qalasynda ótedi. Odan keıingi eki kezdesý 5 jáne 7 naýryzda elordada bolady.
Alǵashqy tórt kezdesýde jeńimpaz anyqtalmaǵan jaǵdaıda, odan keıingi oıyndar 9 naýryzda Magnıtogorskide, 11 naýryzda Nur-Sultanda, 13 naýryzda Magnıtogorskide ótedi.
Aıta ketsek, «Barys» shyǵys konferentsııasynda segizinshi orynǵa turaqtasa, «Metallýrg» ekinshi orynǵa taban tiredi.
Eske salsaq, pleı-off satysy aldynda «Barys» úsh joldastyq kezdesý ótkizedi.
