QHL: «Barystyń» pleı-off básekesindegi qarsylasy anyqtaldy
ASTANA. QazAqparat - Astanalyq «Barys» pleı-off básekesinde «Torpedo» (Nıjnıı Novgorod) komandasymen kúsh synasady, dep habarlaıdy QazAqparat tilshisi.
«Torpedo» QHL-dyń turaqty chempıonatynda Chelıabiniń «Traktor» komandasyn 2:0 esebimen tize búktirip, Shyǵys konferentsııasynda jetinshi orynǵa ıe boldy.
«Barys» budan buryn Shyǵys konferentsııasynda ekinshi orynǵa turaqtap, Chernyshev dıvızıonynyń jeńimpazy atanǵan edi.
22 aqpan kúni astanalyqtar qytaılyq «Kýnlýn Red Star» komandasymen turaqty chempıonattaǵy sońǵy kezdesýin ótkizgennen keıin elordaǵa oralady.
«Torpedomen» pleı-off kezdesýleri Astanada 26 jáne 28 aqpan kúnderi, sodan keıin Nıjnıı Novgorodta 2 jáne 4 naýryzda bolady. Kelesi kezeńge shyǵý úshin keminde tórt jeńiske jetý kerek. Eger qajet bolǵan jaǵdaıda komandalar taǵy úsh oıyn (6 naýryzda - Astanada, 8-inde - Nıjnıı Novgorodta, 10-ynda elordada) ótkizedi.
Eske sala keteıik, budan buryn «Barystyń» «Amýr» komandasynan utylǵanyn jazǵan bolatynbyz.
