QHL: «Barystyń» «Metallýrg» komandasymen matchtarynyń qashan ótetini belgili boldy
NUR-SULTAN. QazAqparat – Qurlyqtyq hokkeı lıgasy (QHL) 2021-2022 jylǵy chempıonatty ótkizý qurylymyna engizilgen ózgeristerdi bekitti, dep habarlaıdy QazAqparat tilshisi.
QHL saıtynda málim etilgenindeı, turaqty chempıonatta qalǵan matchtardy ótkizý múmkin bolmaǵandyqtan, osyndaı sheshim qabyldandy.
Pleı-off kezeńine shyqqan komandalar Batys jáne Shyǵys konferentsııasynda jınaǵan upaılarynyń paıyzyna sáıkes anyqtaldy.
Bıylǵy maýsymnyń pleı-off kezeńi 1 naýryzda bastalady.
Shyǵys konferentsııasynda segizinshi orynnan kóringen elordalyq «Barys» top úzdigi «Metallýrg» (Magnıtogorsk) komandasymen Gagarın kýbogynyń birinshi kezeńinde 1, 3, 5, 7, 9, 11 jáne 13 naýryz kúnderi sheberlik baıqasady.
Ótken jyly pleı-off básekeleriniń birinshi kezeńinde elordalyq klýb dál osy «Metallýrgke» 2:4 esebimen ese jibergen edi.
Eske sala keteıik, budan buryn «Barystyń» pleı-off kezeńindegi qarsylasy anyqtalǵanyn jazǵan bolatynbyz.
