QHL: «Barystyń» qarsylasy Máskeý oblysynyń «Atlant» komandasy
ASTANA. 19 qańtar. QazAqparat - Búgin Astanadaǵy «Qazaqstan» sport saraıynda Qurlyqtyq hokkeı lıgasy aıasynda elordalyq «Barys» Máskeý oblysynyń «Atlant» komandasymen tartysqa túsedi.
Aǵymdaǵy oıyn maýsymynda qarsylastar ótken jyldyń qazanynda kezdesken bolatyn. Sol oıynda «Atlant» astanalyq hokkeıshilerdi 2:0 esebimen tize búktirgen edi. Aıta keterligi, jalpy QHL chempıonaty aıasynda eki komanda 7 ret kezdesip, onyń tek bireýinde ǵana «Barys» hokkeıshileri utty.
QHL týrnırlik kestesiniń Batys konferentsııasynda «Atlant» 70 upaımen 5-inshi orynda tur, al «Barys» Shyǵys konferentsııasynda 67 upaımen 7-nshi orynǵa turaqtady.
