QHL: «Barystyń» búgingi oıynyn qaıdan kórýge bolady
NUR-SULTAN. QazAqparat - «Barys» qurlyqtyq hokkeı lıgasynda búgin, 4 jeltoqsanda, elordada Reseıdiń «Lokomotıv» (ıAroslavl) komandasyn qabyldaıdy, dep habarlaıdy QazAqparat tilshisi.
Oıyn elorda ýaqytymen saǵat 19.30-da bastalyp, «Qazsport» telearnasynan tikeleı efırde kórsetiledi.
Eki komanda buǵan deıin 22 márte kezdesti. Onyń 7-i «Barystyń» basymdyǵymen aıaqtalsa, qalǵanynda reseılik klýb jeńiske jetti. «Lokomotıv» sońǵy ret elordada 2018 jyldyń 20 jeltoqsanynda basym túsken bolatyn.
Aıta keterligi, bıylǵy týrnırde «Barys» sońǵy eki kezdesýde jeńiske jetti. Al reseılik klýb sońǵy tórt kezdesýdiń úsheýinde qarsylastaryna ese jiberdi.
Qazir «Barys» 28 oıynnan keıin 29 upaı jınap, týrnır kestesinde 18 orynda keledi. Al 31 oıynnan keıin 44 upaı enshilegen SKA komandasy 7 orynda tur.
