QHL: «Barystyń» aldaǵy úsh oıynyna kimder qatysady
NUR-SULTAN. QazAqparat - Elordalyq «Barystyń» bapkerler shtaby komandanyń qurlyqtyq hokkeı lıgasyndaǵy aldaǵy úsh oıynyna qatysatyn oıynshylar tizimin jarııalady, dep habarlaıdy QazAqparat tilshisi.
Esterińizge sala ketelik, qazaqstandyq klýb Reseıde qatarynan úsh kezdesý ótkizedi. Aldymen 12 qazanda Ýfanyń «Salavat ıÝlaev» (saǵat 17.30) klýbymen kezdesedi. Odan keıin 14 qazanda Máskeýde «Spartakpen» (saǵat 22.30) muzaıdynǵa shyqsa, 16 qazanda Qazannyń «Ak Bars» (saǵat 22.30) klýbymen sheberlik baıqasady. Oıyndar «Qazsport» telearnasynan tikeleı efırde kórsetiledi.
«Barys» bapkerleri sol oıyndarda tómendegi hokkeıshilerge senim bildirip otyr.
Qaqpashylar: Denıs Karataev, Sergeı Kýdrıavtsev, Ionı Ortıo.
Qorǵaýshylar: Djessı Bleker, Tamırlan Gaıtamırov, Darren Dıts, Nıkıta Kleşenko, Alekseı Maklıýkov, Leonıd Metalnıkov, Valerıı Orehov, Vıktor Svedberg, Egor Shalapov.
Shabýylshylar: Pavel Akolzın, Álıhan Ásetov, Lınýs Vıdell, Kertıs Volk, Dmıtrıı Grents, Dmıtrıı Gýrkov, ıAkob Lılıa, Nıkıta Mıhaılıs, Maksım Mýsorov, Kırıll Panıýkov, Egor Petýhov, Anton Sagadeev, Roman Starchenko, Mett Frettın, Dmıtrıı Shevchenko, Arkadıı Shestakov.
Búginge deıin «Barys» toǵyz kezdesý ótkizdi. Onyń úsheýinde jeńiske jetip, qalǵanynda qarsylastaryna ese jiberdi.
Aldaǵy úsh oıynnan keıin «Barys» elordada 21 qazanda Fınlıandııanyń «Iokerıt» klýbymen aıdynǵa shyǵady.
