QHL: «Barys» «Vıtıazdan» basym tústi
ASTANA. 4 qańtar. QazAqparat - Qurlyqtyq hokkeı lıgasy aıasynda Astananyń «Barysy» Podolskde jergilikti «Vıtıazdy» tize búktirdi, dep habarlaıdy Vesti.kz.
Negizgi ýaqytta birin-biri ala almaǵan qarsylastar kim myqtyny býllıtter serııasynda anyqtady. «Barys» sapyna jańadan qosylǵan Zak Hemıll sheshýshi býllıtti sátti oryndap, elordalyqtardyń mereıin ústem etti. Qazaqstandyq komanda «Shyǵys» dıvızıonynda ekinshi, jalpy týrnırlik kestede úshinshi ornyn saqtap qaldy. QHL sheńberindegi kelesi oıynyn Arı-Pekkı Selın baptaıtyn komanda kósh basyndaǵy máskeýlik «Dınamoǵa» qarsy syrt alańda ótkizedi. Oıynnyń bastalýy 5 qańtar kúni Astana ýaqytymen 19.30-da.
