QHL: «Barys» úshinshi oıynda qatarynan jeńildi
NUR-SULTAN. QazAqparat - Búgin elordada «Barys» qurlyqtyq hokkeı lıgasyndaǵy kezekti kezdesýinde Reseıdiń «Metallýrg» (Magnıtogorsk) komandasyn qabyldady, dep habarlaıdy QazAqparat tilshisi.
«Barys» komandasy sońǵy kezdesýlerde senimdi oıyn kórsete almaı keledi. Atap aıtqanda, sońǵy alty oıynnyń tórteýinde qarsylasyna ese jiberdi.
«Metallýrg» komandasy «Barystyń» yńǵaıyna jyǵylyp kete qoıǵan joq. Reseılik klýb hokkeıshileri alǵashqy bolyp esep ashty. Oıynnyń 5-mınýtynda olardyń qatarynan Denıs Parshın qazaqstandyq klýbtyń qaqpasyn dál kózdedi. Al elordalyq hokkeıshiler sapynan 29-mınýtta Darren Dıts tarazy basyn teńestirdi. Al 32-mınýtta «Metallýrg» hokkeıshisi Maksım Matýshkın qaıtadan reseılik klýbty alǵa shyǵardy. Osylaısha «Barys» qarsylasyna 1:2 esebimen jol berip qoıdy.
Aıta keterligi, «Barys» úshinshi oıyn qatarynan jeńilip otyr.
Endi «Barys» elordada eki oıyn ótkizedi. Aldymen 31 qazanda Reseıdiń «Avtomobılıstimen» (Ekaterınbýrg) kezdesse, 2 qarashada TsSKA (Máskeý) komandasyn qabyldaıdy.
Budan buryn «Barys» Reseıdiń «Ak barys» (Qazan) komandasynan jeńilip qaldy.
