QHL: «Barys» úshinshi oıyn qatarynan jeńiske jetti
NUR-SULTAN. QazAqparat - «Barys» qurlyqtyq hokkeı lıgasynda búgin Reseıde Cherepovets qalasynyń «Severstal» komandasymen kezdesti, dep habarlaıdy QazAqparat tilshisi.
Eki komanda bıyl 10 qazan kúni elordada kezdesip, ol joly «Severstal» 3:2 esebimen basym tústi. Odan buryn «Barys» atalǵan komandadan qatarynan tórt márte jeńidi. Sondyqtan búgin elordalyq hokkeıshiler úshin ese qaıtarý qajet edi.
Oıyn barysynan «Barys» hokkeıshileri alǵa qaraı umtyldy. Olardyń gol soǵatyn birneshe múmkindigi boldy.
Kezdesýdiń 7-mınýtynda elordalyq hokkeıshi Darren Dıts mergendik tanytty. Budan keıin 9-mınýtta «Barys» hokkeıshisi Lınýs Vıddel esepti ústemeleı tústi.
Ekinshi kezeńde reseılik klýb tarazy basyn teńestirýge umtyldy. Osyndaı sátterdiń birinde 29-mınýtta Vladıslav Provolnev esep aıyrmasyn qysqarty. Bul kezeńde esep ózgertýge birneshe múmkindik boldy. Alaıda tablodaǵy jazý ózgerissiz qaldy.
Úshinshi kezeńniń alǵashqy mınýtynda «Barystyń» basymdyǵy baıqaldy. Nátıjesinde 49-mınýtta Darren Dıts kezdesýdegi ekinshi shaıbasyn soqty. Oıynda «Barys» qarsylasyn 3:1 esebimen tize búktirdi.
Osylaısha qatarynan úshinshi márte jeńiske jetti. Týrnır kestesinde búgingi jeńisten keıin elordalyq klýb 22 upaımen 20 upaımen 16 orynǵa kóterildi.
Endi «Barys» 10 qarashada Reseıde ıAroslavldiń «Lokomotıv» komandasymen kezdesedi. Odan keıin 12 qarashada Reseıde Nıjnekamskiniń «Neftehımık» klýbymen sheberlik baıqasady.
Aıta keteıik, budan buryn «Barys» qatarynan eki márte jeńiske jetken bolatyn.
