QHL: «Barys» týrnır kestesinde altynshy orynǵa kóterildi
NUR-SULTAN. QazAqparat - Búgin elordalyq «Barys» qurlyqtyq hokkeı lıgasyndaǵy kezekti kezdesýin búgin Chelıabide jergilikti «Traktor» komandasyna qarsy ótkizedi, dep habarlaıdy QazAqparat tilshisi.
«Barys» sońǵy oıyndardy sátti ótkizip keledi. Budan buryn qatarynan úsh márte jeńiske jetti. Elordalyq klýb 25 qyrkúıekte Reseıdiń «Metallýrg» (Magnıtogorsk) komandasyn tize búktirgen edi.
Búgingi kezdesýde aıdyn ıeleri alǵash bolyp esep ashqan edi. Olardyń qatarynan aldymen 9-mınýtta Esse Vırtanen mergendik tanytty. Arada eki mınýt ótkende «Barys» hokkeıshileri tarazy basyn teńestirdi. Bul sátte Darren Dıts óz sheberligin kórsetti. Elordalyq klýb 51-mınýtta taǵy bir shaıba soqty. Ol Korban Naıttyń enshisine jazyldy. Kezdesýde elordalyq klýb 2:1 esebimen basym tústi.
«Traktor» 20 qyrkúıekte Almatyda «Barystan» 0:2 esebimen jeńilip qalǵan edi.
«Barys» osylaısha qatarynan tórtinshi márte jeńiske jetip otyr. Nátıjesinde týrnır kestesinde 6-orynǵa kóterildi. Sondaı-aq, shyǵys konferentsııasynda ekinshi oryn alsa, Chernyshev dıvızıonynda kósh basyna shyqty.
Elordalyq klýb endi úsh oıyndy óz alańynda ótkizedi. Aldymen 30 qyrkúıekte Qytaıdyń «Kýnlýn Red Star» komandasymen kezdesse, odan keıin 3 qazanda Nıjnıı Novgorodtyń «Torpedo», 6 qazanda Cherepovetstiń «Severstal» klýbymen sheberlik baıqasady.
